Mae’r Democratiaid Rhyddfrydol yn credu y dylai pobl fod â rheolaeth dros eu bywydau a’u hiechyd eu hunain ac mae hynny’n golygu y dylai pawb gael y gofal sydd ei angen arnynt, pan fydd ei angen arnynt, lle mae ei angen arnynt.
Mae pawb yn haeddu gofal cymdeithasol o ansawdd uchel pan fydd ei angen arnynt. Mae'r Democratiaid Rhyddfrydol eisiau i bawb allu byw'n annibynnol a chydag urddas.
Mae pawb yn haeddu teimlo'n ddiogel yn eu cartrefi a'u cymunedau eu hunain. Bydd y Democratiaid Rhyddfrydol yn atal trosedd ac yn adeiladu cymunedau lle gall pobl wir deimlo'n ddiogel.
Mae diogelu ein hamgylchedd naturiol gwerthfawr wrth wraidd ymagwedd y Democratiaid Rhyddfrydol. Dylai pawb allu mwynhau mannau gwyrdd agored, afonydd glas glân a harddwch arfordir Prydain.
Bydd y Democratiaid Rhyddfrydol yn sefyll dros ffermwyr Prydain ac yn sicrhau bod pawb yn gallu cael bwyd fforddiadwy, iach a maethlon, wedi'i gynhyrchu i safonau lles ac amgylcheddol uchel.
Mae'r Democratiaid Rhyddfrydol yn gwybod bod cartref yn anghenraid ac yn sylfaen i bobl adeiladu eu bywydau arni. Felly byddwn yn sicrhau bod pawb yn gallu cael mynediad at dai sy’n diwallu eu hanghenion.
Bydd y Democratiaid Rhyddfrydol yn gwella cysylltedd lleol, rhanbarthol a chenedlaethol tra’n hybu’r economi, diogelu’r amgylchedd a gwella iechyd y cyhoedd.
Mae treftadaeth ddiwylliannol gyfoethog a bywiog y DU yn drysor cenedlaethol.Bydd y Democratiaid Rhyddfrydol yn buddsoddi yn ein cyfalaf diwylliannol ac yn meithrin y genhedlaeth nesaf o dalent.
Mae'r Democratiaid Rhyddfrydol am ddechrau atgyweirio'r difrod sydd wedi'i wneud gan y llif cyson o sleze Ceidwadol, a dod â'r oes o esgeulustod i ben.
Mae angen i Brydain sefyll ar lwyfan y byd dros y gwerthoedd rhyddfrydol hanfodol hynny sy’n gonglfaen i’n cymdeithas: democratiaeth, rhyddid, hawliau dynol a rheolaeth y gyfraith.
Mae’r maniffesto hwn yn nodi polisïau a blaenoriaethau’r Democratiaid Rhyddfrydol ar gyfer y Deyrnas Unedig gyfan. Mae Democratiaid Rhyddfrydol Cymru yn gosod polisi ar faterion datganoledig sy’n gyfrifoldeb i Senedd Cymru ac yn cyhoeddi maniffesto manwl cyn pob etholiad i'r Senedd. Mae cyfeiriad eang polisi ar faterion datganoledig megis iechyd ac addysg wedi’u nodi’n gryno yn y maniffesto hwn. Mae hyn yn arbennig o wir lle mae maniffesto’r DU yn cynnwys cynigion ariannu a fydd yn cynhyrchu incwm ychwanegol i Lywodraeth Cymru drwy symiau canlyniadol Barnett neu amddiffyniadau cyllid.
Derbyn diweddariadau ebost...
This website uses cookies
Please select the types of cookies you want to allow.
![[Translate to Welsh:] Ed Davey and Jane Dodds](/fileadmin/_processed_/6/9/csm_Jane_Dodds_and_Ed_Davey_fc62aa0e7c.jpg)