Mae Aelodau o Senedd Cymru (ASau) yn cael eu hethol gan drigolion sy’n byw mewn etholaethau a rhanbarthau ledled Cymru.

Yn y Senedd mae’r Aelodau yn cymryd rhan mewn trafodaethau ac yn pleidleisio ar gyfreithiau arfaethedig a materion eraill.

Mae llawer o’r Aelodau yn aelodau o bwyllgorau hefyd sy'n edrych ar gyfreithiau arfaethedig neu waith adrannau unigol y llywodraeth. Bydd rhai ohonynt yn weinidogion y llywodraeth neu’n llefarwyr ar ran y gwrthbleidiau.

Gall Aelodau helpu eu hetholwyr drwy fynd i'r afael â materion gydag adrannau'r Llywodraeth a thrwy godi pryderon lleol yn y Senedd.

Mae fy rhanbarth etholaethol yn cynnwys yr ardaloedd canlynol yng nghanolbarth a gorllewin Cymru: Powys, Ceredigion, Sir Benfro, Sir Gaerfyrddin a rhan o Wynedd.

Ewch i wefan y Senedd i weld ai fi yw’r Aelod o'r Senedd sy’n eich cynrychioli. Rhowch eich côd post yn y blwch i gael gwybod.

Na fedraf, yn anffodus. Mae rheolau llym yn y Senedd sy’n mynnu mai dim ond pobl a busnesau sy'n byw/wedi’u lleoli yn yr etholaeth neu'r rhanbarth a gynrychiolir gan yr ASau sy’n gallu cael cymorth ganddynt. Bydd y ddolen uchod yn rhoi manylion am bwy yw eich AS a dylech gysylltu â nhw.

Ebostiwch: Jane.Dodds@Senedd.Cymru

Ysgrifennwch ata i: Jane Dodds AS, 11 Stryd Llew, Aberhonddu, LD3 7HY

neu: Jane Dodds AS, Senedd Cymru, Bae Caerdydd, Caerdydd. CF99 1SN.

Ffoniwch ein swyddfa: 0300 200 7231

Rwy'n derbyn cannoedd o geisiadau am gymorth a gwybodaeth a, gyda chymorth fy ngweithwyr achos, rwy’n ceisio gwneud yn siŵr ein bod yn delio â phopeth cyn gynted â phosibl. Edrychir ar bob cais am help ar ôl eu derbyn a chaiff achosion brys eu blaenoriaethu. Yn anffodus, gall hyn olygu y bydd yn rhaid i chi aros am ateb.

Fy nod yw ymateb i bob cais am gymorth o fewn 10 diwrnod gwaith. Weithiau, gall gymryd ychydig yn hirach os bydd yn gais arbennig o gymhleth neu ar adegau pan mae’r galw am gymorth ar ei uchaf.

O ran ymholiadau ar faterion polisi, fy nod unwaith eto yw ymateb o fewn 10 diwrnod gwaith. Fodd bynnag, rydym yn blaenoriaethu achosion personol ar adegau prysur a gall gymryd mwy o amser i ymateb i ymholiadau am bolisïau a chymeradwyo ymgyrchoedd.

Os nad ydych wedi cael ymateb i ymholiad, ffoniwch fy swyddfa neu anfonwch ebost ata i.

.

Mae cymorthfeydd cyngor yn gyfleoedd i etholwyr ddod i siarad â mi am unrhyw faterion neu broblemau personol sydd ganddynt. Mae fy ngweithwyr achos a minnau yn cymryd manylion y problemau cyn mynd ati i wneud ymholiadau yn eu cylch. Mae cymorthfeydd cyngor ar gyfer etholwyr yn unig.

Mae’r lleoliad a’r diwrnod a’r amser y cynhelir y cymorthfeydd cyngor yn amrywio ar draws yr etholaeth fel eu bod o fewn cyrraedd i gynifer o etholwyr â phosibl dros gyfnod o amser. Yn anffodus, am resymau ymarferol, mae'n anodd cyhoeddi'r holl fanylion ymlaen llaw weithiau.

Rwy'n cynnal system sy’n seiliedig ar apwyntiadau. I drefnu apwyntiad, ebostiwch jane.dodds@sendd.cymru neu ffoniwch 0300 200 7231.

Mae’r cymorthfeydd cyngor a gynhelir cyn bo hir i’w gweld yma.

Os nad oes cymhorthfa gyngor cyn bo hir, mae’n bosibl y bydd modd trefnu cyfarfod yn uniongyrchol gyda chi. Cysylltwch â'm swyddfa drwy ddefnyddio'r ebost a'r rhif uchod.

Bydd fy staff yn gofyn am eich enw, manylion cyswllt a chyfeiriad, yn ogystal â manylion y mater rydych chi am ei drafod gyda mi. Y ffaith nad oes digon o gymorthfeydd i fodloni pawb yw’r rheswm am hyn, felly rydym am wneud y defnydd gorau o'ch amser chi (a fy amser innau) trwy wneud ymchwil ragarweiniol cyn i chi gwrdd â mi. Gall hyn olygu cysylltu â thrydydd partïon cyn cwrdd â chi i gael eu barn ar y sefyllfa.

Mewn achos brys, neu os oes rhesymau pam na allwch roi manylion dros y ffôn neu'n ysgrifenedig, fe wnaf fy ngorau i drefnu amser ar eich cyfer cyn gynted ag y gallaf.

Os nad yw'n bosibl cwrdd â chi - er enghraifft, os nad oes unrhyw apwyntiadau ar gael mewn cymorthfeydd am beth amser - efallai y byddaf yn gofyn ichi gwrdd ag un o fy ngweithwyr achos. Bydd ef neu hi yn cymryd nodiadau, yn gofyn cwestiynau, yn edrych ar unrhyw waith papur sydd gennych ac yn adrodd yn ôl i mi.

Os oes gennych chi anghenion arbennig, rhowch wybod imi ar unwaith er mwyn inni allu addasu i'ch anghenion ym mha bynnag ffordd bosibl.

Y ffordd orau i'm gwahodd i ddigwyddiad yw anfon ebost ata i - jane.dodds@senedd.cymru

Wrth anfon gwahoddiad, byddwch mor glir â phosibl ynghylch beth yw'r digwyddiad, gan nodi’r lleoliad a’r dyddiad, a’r amseroedd y bydd yn dechrau ac yn gorffen. Os ydych chi am i mi wneud unrhyw beth yn y digwyddiad - e.e. gwneud araith – nodwch hynny os gwelwch yn dda.

Rwy'n derbyn dros gant o wahoddiadau bob mis, ac ni allaf fynd i bob un, yn anffodus. Byddaf yn blaenoriaethu'r rhai yn fy rhanbarth a'r rhai sy'n ymwneud ag etholwyr cyffredin neu faterion o bwys yn y rhanbarth.

Fi yw Arweinydd Democratiaid Rhyddfrydol Cymru. Mae croeso i chi gysylltu â mi mewn perthynas â fy rôl fel Arweinydd, ond nid oes gennyf gefnogaeth ysgrifenyddol i ymateb i'r llu o syniadau da yr wyf yn eu derbyn. Felly, mae’n bosibl na fyddaf yn gallu ymateb yn unigol ac mor gyflym ag y gallaf ar gyfer gwaith achos. Os ydych yn anfon ebost ataf yn rhinwedd fy swydd fel Arweinydd, cysylltu â mi drwy ebost fyddai orau: leader@welshlibdems.org.uk